Witaj-pěstowarnja „Villa Kunterbunt“ Choćebuz

Witaj-źiśownja „Villa Kunterbunt“ Chóśebuz
03044 Choćebuz/Chóśebuz
Seminarska 4

tel./faks: 0355 24764
mejl: kita.cottbus@sorbischer-schulverein.de

wjednica: Mila Zachariasowa

přijimanje wot prěnjeho žiwjenskeho lěta

kapacita: 18 žłobik/góletkownja, 48 pěstowarnja/źiśownja
wotewrjenske časy: wot póndźele do pjatka 6.00 – 17.00 hodź.

Hižo wot septembra 1949 wobsteji pěstowarnja a mjenowaše so spočatnje „1. Kindergarten Nord“. Sčasami bywaše w domje 6 skupin z hač do 120 dźěćimi. Hač do přewzaća přez SŠT bě pěstowarnja w komunalnym nošerstwje města Choćebuz.

Pěstowarnja je w starej wili zaměstnjena a leži zboka hary dróhow. W štyrjoch skupinach, po dwěmaj etažomaj rozdźělene, móže so hač do 66 dźěći wot jednoho lěta hač do předšulskeje staroby w rozdźělnych rumnosćach derje čuć. Wšelake wuknjenske rumnosće tworja samostatne wobłuki k zběranju nazhonjenjow, w kotryž so jara powabliwy wšědny dźeń wotměwa. Wonka maja dwě wulkej zahrodźe z wjele starymi štomami. Tu móža dźěći přirodu dožiwjeć a wobkedźbować, hrajkanske ideje přesadźić a so dosć hibać. Wšelake hrajkanske nastroje zmóžnjeja wotměnliwe aktiwity. W škiće štomow před słóncom a horcotu přebywaja dźěći w lěću wonka. W zymje wabi mała hórka k sankowanju. Pěstowarnja ma charakter přirodneje pěstowarnje. Ćežišćo leži w tym, zo so w dźěćoch zajim za přirodu wobšěrnje spěchuje a zo so jim po ekologiskich zasadach tworjena městnosć k wuknjenju poskići. Cil dźěła je, w dźěćoch česćownosć před žiwjenjom zwěriny a rostlinow budźić a so wo jich škit prócować.

Wosebitosć w pěstowarni je, zo wšitke dźěći we wšitkich skupinach po dospołnej imersiji wuknu. Tak wjedu so k serbsko-němskej dwurěčnosći. Dźěći so z rěču a kulturu (powěsće, nałožki, reje) we Łužicy žiwych Serbow zeznajomjeja. Wuwučene kubłarki rěča, hraja a wuknu z dźěćimi w serbskej rěči.

Kubłarki wuknu, hraja, spěwaja a rejuja z dźěćimi w po starobje měšanych skupinach a skićeja zaměrnje wuknjenske projekty na přikład z wobswěta, hudźby, rěče, drobneje a hrubeje motoriki. Wone wobkedźbuja, dokumentuja a reflektuja wuwiće dźěći, zo bychu je indiwiduelnje zaměrnje spěchowali. Za kóžde dźěćo wjedźe so wosobinske portfolio.