Wupisanja dźěłowych městnow

 

za Serbsku pěstowarnju Ralbicy pytamy 

dalšeho nawodu (m/d/ž)

Serbske šulske towarstwo z.t. pyta studowaneho pedagogu / pedagogowku hnydom resp. wot 01.09.2024 za wjedniski team. Přistajimy Was ze znajmjeńša 30 hodź. wob tydźeń a bjez wobmjezowanja.

Po zakónčenju nowotwara přewozmjeće zhromadnje z nazhonitej wjednicu zamołwitosć za 265 dźěći w žłobiku, pěstowarni a w horće.

Što sej wočakujemy?

• nazhonjenja we wjednistwje
• wotzamknjenje jako pedagoga po § 2 SächsQualiVO abo sće zwólniwy, so za to kwalifikować
• dobru serbšćinu ertnje a pisomnje 
• zwólniwosć, so wobstajnje fachowje a rěčnje dalekubłać
  
  

Što Was wočakuje? 

• nawjedujeće kubłanišćo po zakonskich předpisach we wjedniskim teamje
• reagujeće fleksibelnje a kreatiwnje na aktualne podawki 
• přiměriće koncepcije a procesy zarjadnišća 
• etablěrujeće pedagogiske standardy z pomocu paedquis a přesadźiće wodźacy wobraz nošerja 
• wjedźeće personal a wobkedźbujeće wuwiće kóždeje přistajeneje / kóždeho přistajeneho
• waš pedagogiski repertoire was pohnuje, kubłarki a kubłarjow zahorić na dobro wuwića dźěsća 
• natwariće dobre styki k staršim a zapřijeće jich do pěstowarskeho žiwjenja 
• planujeće a wothłosujeće wotběhi , na přikład terminy w pěstowarskim lěće, ličby při- a wotzjewjenjow, hodźiny přistajenych abo trěbne inwesticije  
• přewzaće słužbne planowanje a přiměriće je po wšědnych wužadanjach
• kooperujeće z gmejnu, ze zakładnej šulu, z wokrjesom a wotpowědnymi hamtami,  z serbskimi institucijemi a z nošerjom zarjadnišća  
• reprezentujeće kubłanišćo a staraće so wo zjawnostne dźěło
  
  

Što my skićimy?

• načasne serbske dźěłowe městno a dobry staw digitalizacije
• mzda płaći so po TVÖD SuE z wotpowědnym dowolom
• wuměnjenja za fleksibelne spjelnjenje dźěła su date 
• dobre móžnosće dalekubłanja

 

Smy Waš zajim zbudźili? Jeli-zo haj, požadajće so prošu ze swojimi dospołnymi podłožkami hač do 15.06.2024 pola:

Serbske šulske towarstwo z.t.
jednaćel Andreas Ošika
Póstowe naměsto 2
02625 Budyšin  

e-mail: a.oschika@sorbischer-schulverein.de (za digitalne požadanje) 
tel.: 03591 550 215  

PUĆOWANSKE TURY Z KUBŁANSKIM WOBSAHOM

Pytamy ručež móžno

zajimowanych a hibićiwych sobudźěłaćerjow
za zestajenje serbskich pućowanskich turow. (m/d/ž)

Narěčimy wšitkich, kotřiž so we Łužicy derje wuznaja 

• abo maja požadosć, swoju domiznu wědomje wotkryć
• ale tež wučerjow a studentow wučerstwa
• a kotřiž chcedźa šule podpěrać z materialijemi wo ekskursijach ze serbskim ćežišćom.

 

wjace wo tym zhoniće tu (wupisanje jako pdf)