Witajće na strony Serbskeho šulskeho towarstwa z.t.

Serbske šulske towarstwo (SŠT) bu w lěće 1991 po přikładźe Danskeho šulskeho towarstwa w Němskej załožene.

Zastupnistwo Serbow w Sakskej a Braniborskej

SŠT zastupuje zajimy Serbow při dwurěčnym předšulskim kubłanju w žłobikach a pěstowarnjach kaž tež při dwu- a wjacerěčnym kubłanju, kiž saha přez zakładne a srjedźne šule a gymnazije hač k wukubłanju na uniwersitach.

SŠT je čłon Domowiny z.t., třěšneho Zwjazka Łužiskich Serbow.

Přistupće našemu towarstwu

přizjewjenski formular tu

Aktualnosće

wšitke nowosće Serbskeho šulskeho towarstwa zhoniće tu (link na stronu z nowosćemi)
digitalna sćěnowina - Padlet:
Na kotre wašnje móžeš dźěławosć towarstwa zeznać? Pod tutym linkom namakaš poskitki SŠT za šulerjow, wukubłacych a studentow.

Terminy

Dyrdomdej, hra a rjekowstwa
recepty za putace stawiznički –
dalekubłanje za kubłarjow, wučerjow zakł. šulow a wšitkich druhich zajimcow
13.03.25 // 14.03.25 // 10.04.25 // 11.04.25
wot 14:00 do 17:30 hodź.
(dalše informacije)

Olympiada serbskeje rěče
26.03.2025 – 28.03.2025
Rěčne prózdninske lěhwo
05.07.–14.07.2025  Wodowe Hendrichecy
za dźěći wot 4. do 8. lětnika
(link na přizjewjenski formular)

07.07.–14.07.2025  Harrachov/CZ
za dźěći wot 7. do 9. lětnika
(link na přizjewjenski formular)
Fachowa konferenca
pjatk, 05.09.2025
Zawrjenske časy w kubłanišćach
2025 - lěćny dowol, hodowny dowol a zawrjene dny
(přehlad jako pdf)

Projektowa towaršnosć LUCIJA –
powšitkownowužitna tzwr

LUCIJA hlada na žiwjenje medijow z njeznateje perspektiwy a je zakótwjena do serbskeje rěče, medijow a kubłanja. Wjace wo medijo-pedagogiskim projekće Serbskeho šulskeho towarstwa zhoniće na www.lucija.de.

www.dyrdomdej.de / www.dyrdakojstwo.de

Maće doma čas, wšě nadawki su spjelnjene, knihi runje njewabja, dźěći maja wostudu - pohladajće tola raz na našu internetnu stronu www.dyrdomdej.de! Tež delnjoserbsku wersiju mamy - www.dyrdakojstwo.de!

Serbske kubłanske srjedźišćo LIPA

Serbske kubłanske srjedźišćo LIPA wita wšitkich zajimcow wot dźěsća hač k dorosćenemu, žony a muži. W kóždej starobnej klasy poskićeja so móžnosće, kontakty nawjazać, w mjezsobnej wuměnje nowostki wotkrywać, nazhonjenja wuměnić, kreatiwny być abo swoje ćělne derjeměće polěpšić a skrućić.