Knihi a klankodźiwadło
Dyrdomdej, hra a rjekowstwa
dalekubłanje za kubłarjow, wučerjow zakładnych šulow, staršich, wowki a dźědow a wšitkich “wulkich” bajki powědarjow
Za dźěći žortne stawizny sej wumyslić, znate bajki swobodnje zaso powědać abo z dźěćimi hromadźe sej nowe powědki wumyslić, tež z pomocu srědkow z klankodźiwadła, to nječini jenož wjeselo, ale spěchuje rěčne kmanosće dźěći, jich fantaziju, socialne zrozumjenje a skruća jich sebjewědomje.
Za to poskićamy dalekubłanje na štyrjoch popołdnjach, na kotrychž metody z wobłuka improwizacije, dźiwadła a powědanja (Storytelling) nawuknjeće a při tym wjele sami wuspytaće.
HDY
běžny kurs na štyrjoch popołdnjach, přeco wot 14:00 do 17:30 hodź
• štw 13.03.2025
• pj 14.03.2025
• štw 10.04.2025
• pj 11.04.2025
HDŹE
Serbske kubłanske srjedźišćo Lipa w Smjerdźacej
ŠTO WAS WOČAKUJE
Nawuknjeće, kak putace stawiznički wuwiwaće a nimo toho so w hrě z objektami wuspytaće. W praktiskej zaběrje wobdźělnicy zhonja:
• Što wučinja dobru stawiznu?
• Z kotrymi přidawkami sej zajimawe powědančko nawariš?
• Kotre efekty hižo z cyle jednorymi srědkami a objektami docpěwaš?
Při tym myslimy tež na naš młody publikum - wćipne dźěći. Mała ekskursija powjedźe nas k Grjekam, ale tež rjekojo modernych filmow budu nam inspiracija. Naposledk smy sej našu swójsku putacu “story” wuwili, kotruž chcemy před młodym publikumom předstajić.
ŠTÓ WAS NAWJEDUJE
Christian H. Schröter je swobodny režiser a dźiwadłowy pedagoga. Ćežišća jeho dźěła su: biografiske a dokumentariske dźiwadło, clownerija a pantomima. Mjez druhim je tule skutkował: “Cirkus Sonnenstich” cirkus z ćežišćom inkluzije w Berlinje, “Stellwerk” dźiwadło za dźěći a młodostnych we Weimarje, Thespisowy centrum při NSLDŹ w Budyšinje
POPŁATK
50 € regularne / 40 € za čłonow SŠT z. t.
Dźěłarnička so přez Hornjołužisku holu a haty (OHTL) finančnje spěchuje. Serbske kubłanske srjedźišćo LIPA projekt sobu podpěra.
Přizjewjenja přijimuja so hač do 28.02.25.
- ličba wobdźělnikow je na 14 dorosćenych wobmjezowana -
přizjewjenje pod:
h.schoen@sorbischer-schulverein.de abo: 01520 /20 92 170
